Aah ko chahiye ek umar asar hone tak
Kaun jeeta hai teri zulf ke sar hone tak
Daam har mauj meiN hai halqa-e-sad kaam-e-nahaNg
DekhaiN kya guzri hai katre pe guhar hone tak
[ daam = net/trap, mauj = wave, halqa = ring/circle, sad = hundred,
nahaNg = crocadile, sad_kaam-e-nahaNg = crocadile with a hundred
jaws, guhar = pearl ]
Aashiqi sabr talab aur tamanna betaab
Dil ka kya rang karooN KHoon-e-jigar hone tak
Hum ne maana ke taGHaful na karoge, lekin
KHaak ho jaayeNge hum tumko KHabar hone tak
Partav-e-khur se hai shabnam ko fanaa ki taalim
MaiN bhi hooN ek inaayat ki nazar hone tak
Yak nazar besh naheeN fursat-e-hastee GHaafil
Garmi-e-bazm hai ik raqs-e-sharar hone tak
GHam-e-hastee ka Asad kis se ho juz marg ilaaz
Shamma'a har rang meiN jaltee hai sahar hone tak
Kaun jeeta hai teri zulf ke sar hone tak
Daam har mauj meiN hai halqa-e-sad kaam-e-nahaNg
DekhaiN kya guzri hai katre pe guhar hone tak
[ daam = net/trap, mauj = wave, halqa = ring/circle, sad = hundred,
nahaNg = crocadile, sad_kaam-e-nahaNg = crocadile with a hundred
jaws, guhar = pearl ]
Aashiqi sabr talab aur tamanna betaab
Dil ka kya rang karooN KHoon-e-jigar hone tak
Hum ne maana ke taGHaful na karoge, lekin
KHaak ho jaayeNge hum tumko KHabar hone tak
Partav-e-khur se hai shabnam ko fanaa ki taalim
MaiN bhi hooN ek inaayat ki nazar hone tak
Yak nazar besh naheeN fursat-e-hastee GHaafil
Garmi-e-bazm hai ik raqs-e-sharar hone tak
GHam-e-hastee ka Asad kis se ho juz marg ilaaz
Shamma'a har rang meiN jaltee hai sahar hone tak
0 comments:
Post a Comment